قصة اتنين اصحاب كلمات للكبار فقط +18
- الشاعر العفريت
- Apr 22, 2017
- 2 min read
بسم الله الرحمن الرحيم
( قصة اتنين اصحاب )
كلمات للكبار فقط +18
انا قلبي ما اعرفهوش لو على الجراح هيوديني
اقتله وما اعيشهوش لو خلى بنت تذلني
باحكي اللي فيك وباحكي اللي فيا من قلب حارة شعبية
اسمع قصة حقيقية في اغنية
يارب يا منجينا ساترها علينا ومنجحنا .. ماهو انت اللي بتحمينا ورضاك هو اللي مريحنا
ده في ناس مش عايزة تسيبنا وكل دقيقة يعملولنا حكاية
مركزين في حياتنا وهما حياتهم ولا ليها لازمة
على الدومة والتكة وياها السقفة .. كله يتنطط ويعيش
على الصحبة على اللمة .. هاتلنا الفركة والدماغ غرقها حشيش
على سهرة حلاوي والمزاج غاوي .. طالبة بغباوة ودراويش
دربكها يلا غربلها يلا .. خلي اليوم ده مايتنسيش
انا هاحكي على الصحاب .. اللي فيهم ظني خاب
اللي اكلوا العيش والملح .. وماعملوش لليوم ده حساب
اه على اللي اتخلى عني .. واه على الخاين والكداب
طب واللي طلع تكاية .. من اجل موزة في حقي عاب
انا قلبي ما اعرفهوش لو .. على الجراح هيوديني ..
اقتله وما اعيشهوش لو .. خلى بنت تذلني ..
صنف الحريم قلاب .. مالهوش امان بقى يا زميلي
لو ملكك هيزعلك .. هيخليك زي السنين
واسمعوا قصة وحدوتة عن بنوتة وهتدعيلي
اتنين صحاب مع بعض .. وكل واحد بالتاني مجنون
ضحك مع هزار للصبح .. مايتفارقوش غير ساعة النوم
ظهرت بنوتة في حياتهم .. وردة ومليانة بالسموم
ودي ساكنة جديدة في حارتهم .. جات صدفة العيون في العيون
والبنت مفيش زيها .. على واحد في الاتنين بتحوم
والاتنين راحوا بيوتهم .. والتفكير ما صدق مسكهم
عرفت تلعب بجمالها .. من اول نظرة خطفت قلوبهم
بقوا طول اليوم يستنوا .. تطلع بلكونتهم
وهي اول ما تشوفهم .. بتفضل على الاتنين تلاعبهم
والموضوع ما بيتحلش .. لا ده بيكبر وبيتعبهم
ماهو هما الاتنين حبوا .. بس داروا على بعض خيبيتهم
وفي يوم كده واحد نزل .. وقف لواحدة يا ناس على الشارع
مشتاق ليها نفسه يشوفها .. وهي كمان كانت مستنية
وشافته حدفت له رقمها .. وضحكت ضحكة غريبة شوية
ماهي عايزة صاحبنا التاني .. وشوفوا تفكير بنت الجنية
كلمت اللي خد رقمها .. قالت له حبيبي يا ضي عينيا
فضلت هي تغنيله علشان توصل لزميله .. ولما فعلا وصلت
بتعيط وتشتكيله .. وقالت له صاحب ياعم
انا اديته رقمي يوصلهولك .. اتصل بيا شتمني وقالي عليك
حكايات مش لونك وكلام كتير متلخبط .. وانا ما ينفعش اقولهولك اكمنه كان عايزني .. بس انا عايزاك انت بطولك
راح قفل السكة وراح لزميله .. وحصلت شبورة
قاله انت مش جدع .. التاني رد عليه طب ليه
قاله البنت اجدع منك .. اتعصب مد ايده عليه
ياعم يا اللي سامعني .. شوفت البنات دي بتعمل ايه
خليت اصحاب واخوات .. وقعوا في بعض يا ناس طب ليه
................................................النهاية
..................................كلمات الشاعر العفريت
Comments