قصة عن الاصول كلمات للكبار فقط +18
- الشاعر العفريت
- Apr 22, 2017
- 2 min read
كله بالاصول
كله بالاصول كله بالاصول .. اسمع يا ابن الاصول
ما تعيش بالاصول .. صاحب بالاصول
وان حبيت تناسب .. اختار بنت الاصول
صباح ملون ابيض واحمر .. فلوس كتير وعقد مرمر
وصباحو ارز بلدي معمر .. وجوز حمام حلو ومتحمر
لاي حد هنا خط احمر .. جاي العفريت من تاني هيدمر
انا بورسعيدي يا ناس .. اصل العلام في الراس
يا اللي يا اللي الكلام مزاولكم .. يلا يلا افتحوا الكراس
على الصبح بانكش على اليومية .. ان شا الله لو تلاتين مش مية
ماهو زي ما الشارع علمنا .. ولو مافيش والله مرضية
ما هو الاصول يا زميلي بتقول .. اللي ايده في النار غير اللي ايده في المياه
اصل البشر دي حاكمها قانون .. فيها بند اول مال وبنون
واللي انت يا صاحبي ماحسبتهوش .. انك هتتخان لما تخون
ما تعيش بالاصول صاحب بالاصول .. وان حبيت تناسب اختار بنت الاصول
ده اوكازيون قرب لو غاوي .. ما الدنيا فيها بلاوي
زمن الاصول عدموه .. واسمع هاعيدها عليك لو غاوي
قعدت قعدة تقول باصول .. حكمت تحكم بالاصول
اصل الكلام ما بين الرجالة .. لازم يكون بادب و اصول
طول اللسان يعدي الاصول .. قطع الكلام يعدي الاصول
العيب طلع من اهل العيب .. يترد عيب لكن باصول
قالوا اللي منك منك .. ولو وقف منك
عمره ما يقل منك .. ده لو انت ابن اصول
كبرت اخوك كبرت بنفسك ..قلبته قل بنفسك
تعيشها مكسورة نفسك .. والدنيا بيك هتدور
اصل الكلام بيبقى باصول .. والاحترام برضو بالاصول
ماهو الكبير لو قل بنفسه .. يقل بيه الصبي على طول
الفعل قبل القول دي اصول .. للبيت راجل يحكمه باصول
اصل الراجل لو مشيته واحدة .. لا مؤخذة بيسموه دلدول
دول قالوا قولنا وقالوا .. ما تسيبوا عبده في حاله
اصل اللي صافي للناس .. تلقى القلوب كلها صافية له
ابن الاصول بيحب الناس .. وياريت نحب الخير للناس
واللي ماترضاهوش على نفسك .. ماتقبلوش يا اخويا على الناس
يا ابو البنات ربيها باصول .. ساعة الطلوع وساعة النزول
ما ابن الاصول لو حب يناسب .. لازم يناسب بنت اصول
كتر الشمال كترت الوانه .. نفسك ضعيفة هاديك عنوانه
ما ابن الاصول بيعيشها حلال .. لو حطوا تل فلوس قدامه
رزقك هتاخده يا ابن الاصول .. بلاش تحب كيان هيزول
ده لو جمعت كنوز الدنيا .. عمرك لا يقصر ولا هيطول
يا ابن الاصول لو مال عليك الزمن خليك جدع
يا ابن الاصول مش عيب يا صاحبي انك تصاحب الوجع
انا الجدع اللي صاحب الوجع قولي وشوشت الودع مالقيتش صاحب جدع
يا ابن الاصول مالك لو حتى راح مالك اوعاك تسيب حالك وتماشي مرة خسيس
على الاصل دور بشويش تدور وبلاش يا صاحبي تاخد اللي على سكة ييجي
دي الناس بتحور ابليس متصور على هيئة انسان ويقولك يا صديقي
دي اصحاب في وشك انت وانت انت الفارس والمجدع
تقوم وتمشي اقرب ماليك في فروتك بيقطع
يا زمن قسمة ونصيب ومافيكش صاحب جدع
يا ابن الاصول مش عيب انك تصاحب الوجع
...........................................النهاية
....................كلمات الشاعر العفريت
Comments